![]() |
|
![]() |
|
![]() |
||||||||
|
||||||||||
![]() |
![]() |
![]() |
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
![]() |
|
أدوات الموضوع |
![]() |
#1 | |||
( عضو دائم ولديه حصانه )
![]() ![]() ![]() ![]() ![]() ![]() ![]() |
سيارتك مع أختك سارة راحت السوق
موقفك لو سألت أمك : ماشفتي مفتاح سيارتي ؟؟ وقالت لك : اخذتها اختك راحت السوق :confused:
أنا عني أقول الله لا يوريني ذاك اليوم اللي يسوقون فيه البنات 00 لأننا وقتها بنصدق كلام الجرايد (( ولأول مره)) لأن جريدة عكاظ ذكرت أن حوالي 30% من حوادث السيارات سببها المرأة 00 نسبه منهم يغفلون أثناء الحديث مع زوجاتهم (( هذا واحد من اثنين يا توه معرس وميت فيها موت ولا متزوجها منذ مبطي وقاعدة تحقق معه )) نسبه من النساء تتجاوز 00 يقطعن الطريق بدون انتباه للسيارات القادمه ويؤدي الى حوادث شنيعه نسبه منهن يفتحن الباب عند النزول من السيارة بدون التأكد من خلو الشارع هذه الدراسه كانت تحقيق صحفي لجريدة عكاظ قامت به في جده ،، وتؤكد هذه الدراسه الدراسة الأقدم الأمريكية التي تقول بأن القدرة المكانية عند المرأة ضعيفة (( وربما لهذا السبب تجد المرأة تسأل كثيراً: وينا فيه ؟؟ وصلنا ولا لسه ؟؟ كم بقى ونوصل ؟؟ )) اذا كان هذا وماخفي أعظم واختي ما ساقت السياره أجل لو ساقت وش بيصير !!!!!!!! :D المصدر: نفساني
|
|||
![]() |
![]() |
#2 |
( عضو دائم ولديه حصانه )
![]() ![]() ![]() ![]() ![]() ![]() ![]() |
بيصير موسوعة أكثر الحوادث المروريه بسبب
اصرار ذهاب سوير لعزيمة نوير وجهير بنت عم منير والله علوم الله يستر علينا في الدنياوالاخره |
![]() |
![]() |
#5 |
عضو نشط
![]() ![]() |
نسبه منهن يفتحن الباب عند النزول من السيارة بدون التأكد من خلو الشارع <<< دااايمن اسويهااا
![]() الله لا يخلييني من اخواني بس ومن أبونا السواق طبعاً ![]() |
![]() |
![]() |
#6 |
عـضو أسـاسـي
![]() |
الصراحة....
صحيح إني اكره...تحكم الرجال..... ونفسي..مانحتاجهم في شي...علشان مايزلونا...وديناكم وجبناكم... وطفشتونا...ومشاويركم ماتنتهي... ولكن..إلى في هذا الشي..مااااااااااااااالي نفس..يخلوا المرأة تسوووق... والله لنصير مثل الغرب...وأشنع.... أصلا أنا ما اعرف أسوق....سيكل...ولاسكوتر....يمكن علشان كذا...هههه عاشقة الرياح... |
![]() |
![]() |
#7 |
عـضو أسـاسـي
![]() ![]() ![]() ![]() ![]() |
يوووووووووه طيب يمه متى بتـشترون لها سيارة وتــفكـّــوني :D
--------------- المملكة العربية السعودية حفظها الله :rolleyes: هي مرجع بل وموسوعة في عالم الحوادث ....أي حادث يحبه قلبك تجده في المملكة العربية السعودية ...وبنوع السيارة اللي تحبها بعد...وجميع أنواع الإعاقات العجيبة متوفره في المملكة العربية السعودية وتزدهر الحوادث في الإجازات وأوقات الأمطار .... والدليل إنه جانا مطر يوم واحد بس من بكرة كتبت الجرايد 170 حادث حصيله ذلك اليوم ..... هذا أولا ثانيا ...ماسلمنا من هالشباب المتسكعين وإنا مع إخوانا وأبوانا نسلم منهم وإنا لحالنا ..يعني مثلا أذكر موقف كنت أنا وأمي وخالتي ومعنا أطفال مع السواق والسيارة مظلله وحالتنا حاله ..ثمن يجون شوية شباب حقيرين ويحدون فينا قسم بالله بغينا نرقى الرصيف ونصدم في النخل ....يعني أكثر من كذا تسيب وانحطاط مافيه لكن الحمد لله إني بردت خاطري فيهم خذت رقم سيارتهم وبمجرد ماعطيته أبوي من بكرة كلهم في إمارة مدينة الرياض متشرشحين :cool: طبعا هذا مو تشوية لسمعه المملكة لا بالعكس المملكة دوله صراحة أحس إنها فريدة من نوعها تتميز بطيبة أهلها ورقي حكّامها ودفء أرضها لكن مشكلة الشباب هذي والحوادث مسوية سالفة شوي |
![]() |
![]() |
#8 |
عضو
![]() |
اقول تكفون من زين رجالنا بالسواقه!!!والا الهنود والاندونوسيين!!!
وهذاك قلتيها يا لمياء احنا اكثر ناس في العالم عندنا حوادث والله عيب! فيه واحد اجنبي يقول انا انبسط اجي للسعودية علشان امارس هوايتي بالسرعه انا الصراحة امنيتي حياتي يكون عندنا باصات وترامات علشان نخفف من ركوب السيارات اللي كل ماجينا نركبها نتشهد ونرتاح من الهندي اللي يعرف البنت وين تروح وين تجي اكثر من اهلها والله يهدينا أجمعين |
![]() |
![]() |
#9 |
( عضو دائم ولديه حصانه )
![]() ![]() ![]() ![]() ![]() ![]() ![]() |
يقول واحد سعودي كان في اليابان (( والعهده على الراوي )) : كان طبعاً يسوق السيارة بشكل طبيعي بالنسبة له كسعودي أو ربما كخليجي بالأصح 00 طبعاً كان يمشي 120 في طريق مسموح بسرعة 80 00 يقول ولا أمداه يوصل الامبير ل120 الا ودوريتين مرور تحده على جنب وتوقفه 00 ويوم ينزلونه ويحطون الكلبشه في يده ويرسلونه للمستشفى يفحصون الدم (( لا يكون الرجال سكران )) وفي الأخير غرموه وعاقبوه و أخذوا عليه تعهد بالتسفير من اليابان لو تكررت السرعة .
أعتقد أن أي تقنية في العالم تدخل على شعب لا يجيد التعامل معها 00 بالتأكيد سيسيء الاستخدام 00 وهذا مثله مثل الفضائيات و الانترنت و الجوالات 00 وهنا المشكلة في التربية والتأهيل ،، أعتقد أن دور التربية هي توعية الناس بما حولهم من تقنيات للتعامل معها ومع ايجابياتها بشكل جيد . الأخت لمياء :rolleyes: صدقتي والله النساء مهما كان الأمن في البلد و مهما تغير الزمن يبقى الرجل معهن هيبة و حصن لهن 00 فعلى قد ما تقدرون تكرفون فيصل شوي وتركي في الطريق ان شاء الله اكرفوهم 00اكرفوهم ما جاكم عندي :D |
![]() |
![]() |
#10 |
عضـو مُـبـدع
![]() ![]() ![]() ![]() ![]() |
ياااااااااااااااااااا
اخواااااااااان وياااااااااااااااااا اخواااااااات هناك خبر ينتشر ان قرار قيادة المراة للسيارة تم توقيعه في المملكه وسوف يعلن عنه في وقت قريب الله يكون في العون.... ايش تبي تسوون يا الشباب السعودي ما اقول غير ,,,,,, الله يخارجناااا يا ام سارة اتخيلك وانتي تسوقي باص |
![]() |
![]() |
#12 |
عـضو أسـاسـي
![]() ![]() ![]() ![]() ![]() |
أبو الشباب فيصل يقولك :يا أبوووو الشباب لا تشوشر أهلي عليّ الله يهديك ترى منيب ناقص أنا <<<<ببببخخخخخخخ
عموما وخير ياطير وإذا سمحوا بالسواقه في الممــلكة ... عادي لا يزال الحق والباطل قائمان ماقامت الساعة .... والخسارة عليهم بتــقعد الحكومة كل شوي ياتصلح لمبة منكسرة ولا نخله طايرة ولا جدار منهد ...والمستشفيات عاااااااد حدث ولاحرج ما أدري هم يحسبونا البحرييييييين ولاّ الإمارااااااااااااات ولاّ الكووييييييييت كل وحده مافيها إلا خمسطعشر نفر إنا الرياض بس فيها ( مدري كم مليون ) نفر ... :confused: والله إن دمهم خفيف يعرفون يــنكتون |
![]() |
![]() |
#13 |
( عضو دائم ولديه حصانه )
![]() ![]() ![]() ![]() ![]() ![]() ![]() |
لاحووول لا يكون من جد رحتي بلغتي ترى والله تسوينها 00 لا بالعكس المفروض فيصل يرتاااح وبعدين الحين مو فاضي وزوجته أكيد مركبه (( المقرنه )) مضبووط :D طبعاً ما راح تعرفون المقرنه ولا فيه امل تعرفونها
المهم طبعاً لو ساقت اختي السيارة وهي متغطيه زي ما يقولون 00 اكيد بعد فترة بيطلعون في الجرايد : (( اثبتت الدراسات أن اكثر الجرائم تتم عن طريق تنكر المجرمين بالعبايات النسائية )) وبالتالي يصدرون قرار بمنع المرأة من قيادة السيارة وهي متغطية 00 لازم تكشف طييييب ماافي مشكله كشفت اختي بعد فترة يطلع في الجرايد (( النساء يشتكون من سوء الأوضاع في أقسام الشرطة و صعوبة مراجعتهم لقضا حوائجهم ومعاملاتهم )) ثم يطلع قرار بفتح أقسام نسائية بقيادة رجالية وأفراد نساء وهكذا دواليك دواليك دواليك 00 بالضبط بالضبط كما حصل في الكويت وبعكس ما حصل في مصر وسوريا لأن مصر وسوريا صار الشي هذا مفاجئ وبدون مقدمات نتيجة الاستعمار والمشكلة أن الأمر في البداية يكون مرفض شرعاً و اجتماعياً 0 0ولكن بعد فترة يستسيغه الناس 00 وتصير بنتي تقول والله لو ما تشتري لي سيارة لأنتحر بالضبط مثل ما حصل مع بداية السماح للمرأة بالركوب مع السائق |
![]() |
![]() |
#14 |
عضـو مُـبـدع
![]() ![]() ![]() ![]() |
صح .. صح .. صح ..
فتح الله عليك ياأخي صوت الشباب وزادك من العلم بسطه كل ماقلته راح يكون واكثر شوي لكن الله لايورينا هذا اليوم (( اللهم اقبضني اليك غير مفتون )) وفقك الله لمايحبه ويرضاه قطرالندى ... |
![]() |
![]() |
#15 |
عضو
![]() |
للتوضيح:
انا ماقصدت اني اسوق باص!!!! اصلا ما اعرف اسوق ولكن قصدت باصات عامه وترامات مثل الدول المتقدمه بس بشرط تكون على مستوى عالي ومنظمه امامن ناحية سواقة المرأة وان القرار خلاص تم توقيعه , فهذه اشاعه مثل اللي قبلها. لهم 13 سنه وهم يقولون خلاص المرأة راح تسوق وما صار على العموم ما أعتقد ان المرأة راح تسوق عندنا ابدا لان الموضوع مرفوض من الجميع . ولكن لازلت أرى ان الحل في وسائل النقل العامه مثل الحافلات وال (metro) للجميع فاالمرأة تستغني عن السائق الاجنبي والرجل يريح سيارته ومنها نحمي البيئه من التلوث ونتحلى بأخلاق اسلاميه ونتخلص من التفاخر بالسيارات ونصير كلنا سواسيه ونتشارك جميعا بالأرتقاء بديننا ثم وطنا . (أكيد حلم) |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|