|
|
||||||||||
ملتقى الحوارات الهادفة والنقاش حوارات تهم جميع افراد الاسره والمجتمع للقضايا والموضوعات الإجتماعية والنفسية |
|
أدوات الموضوع |
22-10-2001, 03:25 PM | #1 | |||
عضـو مُـبـدع
|
قصة زواج غريبة عن طريق ....!!!
هذي القصه يقولوا أنها حقيقية وأن ماكانت حقيقية ممكن تصير...
قصة زواج بنت... غريبة ومضحكه ... هذي البنت عندها أربع اخوات اكبر منها وأصغر منها ، ماعندهم خدامة كل يوم يدور الدور على وحدة من البنات تطبخ وبعدين ترمي الزبالة الله يكرمكم عند الباب المهم جا دور ها البنت اللي اتكلم عنها كانت سهرانة مع اخواتها الين الساعه 2 الصبح ..وبعدها خواتها طلعوا ينامون ...وهي قعدت تنظف المطبخ وتشطب عليه ...وقامت تطلع الزبالة عند الباب ...بعدين قالت : ليه أحطها عند الباب أتشجع وارميها بالزبالة أحسن ...وطلعت بره الشارع وكان الشارع فاضي ...وكانت الوقت متأخر ويوم طلعت قفل باب بيتهم وقعدت المسكينة بالشارع ..فكرت ترن الجرس خافت أبوها يهاوشها ويسويلها شي (لأن أبوها شديد ) وطلعت بالشارع بثياب البيت شوي إلا وتسمع صوت سيارة !!! قامت مسكت الزبالة وقلبتها ودخلت جوتها المهم كان اللي جاي ولد الجيران ....كان توه جاي من استراحة ...وقف السيارة وطلع المفتاح عشان يدخل البيت إلا ويسمع صوت يتحرك بالزبالة ؟؟؟ واستغرب أن الزبالة مقلوبة قام قرب من عندها .. وجا بيرفع الزبالة ويزينها إلا صرخت البنت وقالت : لالالالا...قال : بسم الله الرحمن الرحيم ...إنتي إنس ولا جن ؟! قالت : والله إنس قال: إنتي وش جابك هنا ؟؟!! ...قالت له : القصة وهي متغطية بالزبالة وترجت ولد الجيران يساعدها ....قال : خلاص لا تخافين ...قام قرب سيارته من باب البيت وركب فوق السيارة ونقز وفتح للبنت الباب ..وقالها : ادخلي بسرعة لااحد يشوفك ..قامت مسكينة وماصدقت انها رمت الزبالة وطلعت كذا قدام ولد جيرانهم ...وما مر يومين على ها السالفة يومين إلا وخطبها من أبوها وتزوجها ............واللي يعيش ياما يشوف المصدر: نفساني
|
|||
|
23-10-2001, 08:01 PM | #2 |
................
|
قصة لطيفة وخفيفة
بس اللي يالس آنا ( باللغة الإماراتية) يعني جالس أنا.. افكر فيه شلون ياخذ وحده صارلها يومين طالعه من الزبالة ( اعزكم الله) !!!! إلا إذا كانت أغتسلت ؟؟ هذا شيء ثاني والشيء الثالث اللي فكرت فيه : لو أنا منه كان ما أتزوجها قولوا ليه ؟ لأنها غبية شلون ماتضع المزلاج على الباب حتى لايتسكر !! والشي الرابع اللي أستنكرتها منها ( هذه الزوجة) شلون تطلع بنصايص الليل للشارع بمفردها ؟؟ مو عيب .. يا صاحبة الزبالة ؟؟ والشي الخامس اللي أتعبني من التفكير هل هناك أسرة في هذا الوقت لاتملك خادمة ؟؟ والشي السادس اللي جعلني حيرانا : شلون يوم جاء ولد الجيران وشاف برميل الزبالة مقلوب ووجد البنت في داخلها ما أنقمتت وأنقطع عنها التنفس كل هذا الوقت ؟؟ عجيب والله !!! والشي السابع وهوالغريب والعجيب في القصة : يوم جاء وصعد على السيارة وفتح الباب لها وين الدوريات الراجلة والماشية والراكبة عنه ماشافته ؟؟ والشي الثامن والأدهى : هل ركب والدها بعد هذه القصة مزلاجا لبابه حتى لاتخرج باقي البنات وينغلق عليهن برميل الوبالة ويجون عيال الجيران من الأستراحة ويركبون على سياراتهم ويفتحون الباب لهم ويتزوجونهم بعد يومين ؟؟؟ والشيء التاسع والأخير : ماهو دورنا كمواطنين عندما نرى براميل الزبالة مقلوبة رأسا على عقب هل نفتش بداخله ؟؟ أو نجعلها مقلوبة وتنقلب رؤسنا معها ؟؟؟ |
|
23-10-2001, 08:31 PM | #3 |
عضو دائم ( لديه حصانه )
|
يابو مروان الله يهديك
بسم الله والسلام عليكم ورحمة الله
آه تذكرت انا اقول وش فيه برميل الزباله حق جيرانا مقلوب ..... الله يهديك يابو مروان انا قلت لك "ارحموا من في الأرض يرحمكم من في السماء" ياخي لا تدقق خل وخل ...الله يبارك لهم انشاالله وعقبالك يا" وسن" :D :D |
|
23-10-2001, 08:58 PM | #4 |
................
|
الله يهديك يا شيخ : hope_floats
اضحكتني يوم قلت : ((آه تذكرت انا اقول وش فيه برميل الزباله حق جيرانا مقلوب ..... )) خشيت أن تكون أنت صاحب السيارة وأنت اللي جيت من الإستراحة وأنا اقول : إن شاء الله مو عقبالك يا وسن على مثل هذه الحالة !!!! عقبالك يا أخت wasan بواحد تقي نقي يدخل بيته بعد صلاة العشا ، ويجد زبالته مرمية من الظهر ( هو من رماها ) وتحياتي لك أخي الحبيب : hope_floats على مداخلاتك المقمشة بالكاتشب والتي تذكرني أيام أجي من أستراحة الوالد بعد الفجر ، وأجد براميل زبالة جيرانا كلها مقلوبة !!!!!! هههههههه |
|
23-10-2001, 09:58 PM | #5 |
عضو دائم ( لديه حصانه )
|
الله يهديك يابو مروان..
الله يهديك يابو مروان أنا أقصد عقبال "وسن"بالزواج انشالله
بس مو بالطريقه نفسها لا تصير فتان يابومروان وتفرد عضلاتك علي.:D "وسن "ما اتمنى لها الا كل خير ... بعدين وين حارتكم يابومروان بالدمام عشان نفتح مأذون شرعي عندكم ...:D :D ;) |
|
24-10-2001, 06:25 AM | #6 |
مستجد
|
بكل صراحة !!!!!!
أنا أفضل هذي ، لييييش ؟؟؟؟؟؟
أنا أفضل وحدة طالعة من الزبالة ، لأن ـ غالب ـ بنات العصر هذا للأسف لا زالوا في الزبالة أو في الطريق إلى الزبالة . مع كامل احترامي وتقديري للفاضل منهم والنظيف اللي ما يشوف قنوات فضائية مشفرة إو غير مشفرة ، ولا تتابع وتشوف مغنين وطبالين ورياضيين ـ عصرية ـ على بالها . صدقوا والله عصرية ـ ما خوذه من الشيء المعصور ، يريدون يعصرونها إلين تصير مثل الليمونة المعصورة ثم ترمى في أخس زبالة ولا ولد جيران ينقذ . تحيااااااااااااااااااااااااااااااااااااااااتي ـ يا رب ما جرحت أحد بس ـ . |
|
24-10-2001, 09:25 AM | #7 |
مستجد
|
قصة ما ادري وش مدى صحتها
يعني دحين من اليوم ورايح قبل ان نأمر الشغالة برمي ( القمامة ) أكرمكم الله نقلها شوفي البرميل مقلوب والا عدل ؟؟؟؟؟؟؟ عسى مابين hope_floats وبو مروان حرب على أحد البراميل ؟؟؟؟!!! الله يستر الحمد الله انهم من الرياض والدمام مش من جدة !!!!!!! |
|
24-10-2001, 12:07 PM | #8 |
عضـو مُـبـدع
|
هههههههههه
ضحكتوني أمي تقول وشفيه هذا الجهاز تطالعين وتضحكين انا دايماً اقرا وا بتسم هذي المره اضحك قلت يمه لا ينشغل بالك هذا برنامج فيه نكت ...لو قلت انترنت مارح اخلص ......
1-يا أبا مروان انامعاك كيف هي توافق عليه ...لأنه رح يذلها طول عمره ويقولها انا اللي طلعتك من ؟؟؟:) 2- مارح يجي في بالها ياأبا مروان أنها تحط مزلاج او أنه بيتسكر عليها ... هذا اللي يسمونه النصيب لا جا مايعرف مزلاج...... 3- في أسر ماعندهم شغاله خصوصاً أنه مكتوب أبوها مشدد البعض مايرضى بوجود شغالة ....:) 4- ههههههههه صح كلام أبو مروان عيب ياصاحبة الزبالة تخرجي بالليل ....بس هي كانت تنظف المطبخ بوقت متأخر من الليل وبعد تنظيف المطبخ اكيد بترمي الزبالة هي الظاهر أنها مخلصة جداً فحبت ترمي الزبالة بعد مانظفت على طول وماحبت ترميها عند باب بيتهم فضلت ترميها بالزبالة 5- ياأبامروان أشفيك معقد الأمور ... مايمديها تنقمت وبعدين هي ماقدرت تتحمل وحركة الزبالة وحس ابن الجيران فيها 6- ياالله ...يمكن الدوريات مرت من قبل ماترمي الزبالة ..... أنت تتوه نفسك ليش لاتدقق على قول هوب فلوتس 7- الأب مارح يركّب مزلاج تدري ليش عشان يتزوجوا بناته............ سؤال مهم ووجيه يا أبو مروان ماالذي يجب عمله في مثل هذه الحالة : أخي المواطن : عند وجود زبالة مقلوبة بالقرب من منزلك ابسط ياعم فعروستك تنتظرك أسفلها . إذا كنت متزوج اترك المجال لغيرك ...هذا الكلام لبومروان اختي العروسه : أثقلي فالثقل زين مو كل ماشفتي أحد قلبتي زبالته .... شؤون البلدية : لاتبخلوا علينا ... بذلك تكونوا ضربتوا عصفورين بحجر .... ملحوظة : عزيزي المواطن ليست كل زبالة مقلوبة تعني وجود عروسه بداخلها ........ ضحكتوني كثييييير الله يديم عليكم البسمه والضحكه وخفة الدم ياأخ هوبي فلوتس وأبو مروان : رح اتزوج زي ماقلت للأستاذه نوال عندما يصبح عمري 60سنه ان كان ربي كتب لي عمر فسيكون سن التفكير في هذا الموضوع أما في 70سنه سأقرر .... رح اعزمكم اثنينكم في عرسي لا تخافوا ... إذا تبون تدعولي فادعوا ان ابوي ينام وما يفصل التليفون على ..... وأن ربي مايستجيب دعوة امي على جهازي بأن يصيبه فايروس ......... :D :D |
|
25-10-2001, 08:34 AM | #9 |
عضو دائم ( لديه حصانه )
|
قيل القراءه ...الزعل مرفوع ...
الله يهديك يا بومروان ... تعال واقرا ..!!!
ضحكت الناس علينا وش تدقيق وش زباله "الله يكرمكم" ....بعدين الله يهديك يا أختي مالقيتي الا هالقصه وابو مروان الظاهرأنه صاير "مدقق أملائي" الله يزوجك ولد الحلال اللي يسعدك ويغير فكرتك عن الزواج ومايفصل التليفون ولا يدعي على جهازك ....آمين ...."" الزعل مرفوع"" :D :D :cool: |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|