برنامج (من جديد)

برنامج (من جديد)

اهلين اعضاء نادي النقاش بنفساني ..

تحياتي العطره لكم كلكم ..

انا حابة اطرح موضوع يتعلق ببرنامج (( من جديد )) اللي تم عرضة بقناة MBC ..
وكان يعرض يوميا ماعدا يوم الخميس ,, والجمعة مختارات منه ..
اللي حصل اني تابعت البرنامج .. وخصوصا انهم علقو انة برنامج مميز وماخوذ عن برنامج
starting over الامريكي ..
اللي شفتة بالبرنامج شي جدا استغربتة .. وبطرح عدة نقاط ياريت تشاركوني فيها ..

1- شفت بالبرنامج كمية دموع (( شي وصل لمرحلة انة بجد بجد ازعجني ))..تقول نهر مو دموع .. شي مش طبيعي .. بكاء عمال على بطال ..

2-المشتركات يبكون .. بعدها ب خمس دقائق ينكتون ويضحكون ويرمون بعض بالمخدات اللي بالغرفة ولا يسلم الامر من بعض القفشات والتعليقات الرديئة ..انتقال من حال لحال بسرعة شديدة..

3-كل شي يطلبونة القائمين بالبرنامج من المشتركات تلاقي المشتركات يعارضون وكان المطلوب منهم صعود جبال الهمالايا ..ويزمجرون .. ولا يملكون روح طيبة ابدا ..ولا تفاهم ..

4- كمية النميمة بالبرنامج غير طبيعية (( كل وحده تنم بالثانية .. وتتكلم عنها كانها ما تسوي ,, ونسو انفسهم ))..

5-الكسل ..اغلب المشتركات كسولات .. حتي مو قادرين يخدمون انفسهم ..

6-الدكاتره بالبرنامج .. شعرت ان فيهم شي غريب .. الاقي على وجههم تكشيرة جامده جدا وتعابير مقطبة .. وتلاقيهم ينصحون بالدفء والحنان والحب .. طيب اذا تعابير وجههم كشرة ومقضبين جبينهم وين اي احد يتقبل منهم الكلام .. (( تكشيرات عالمية )) ..

7-مذيعة البرنامج .. تتصرف كانها علي شاطئ البحر .. وتتمتع بصوت حاد وغير مريح اطلاقا .. وتصر على اخذ الاطراء والمديح من الكل ..

8-فيه مشتركات كانو يتمتعون بسوء الخلق والنزاقة .. واللي لاحظتة ان الدكاتره لم يعطون هذا الموضوع اي اهمية .. وظلو يمدحون فيهم وكيف انهم تجاوزو الصعاب وانهم رائعات .. وانا اللي شفتة قدامي (( قلة ادب منقطعة النظير وسوقية ))
سؤالي هل علم النفس ماله دخل بحسن الخلق ؟؟؟؟

ياريت تشاركوني .. وتنبهوني اذا كنت غلطانة بشي ...

بس بصراحة ماعجبني ابدا تطبيق البرنامج .. ولا كمية الاستعراض .. ولا طريقة كلامهم ..
وشعرت ان فيها تصنع وكانهم قاعدين يكذبون ..
والاهم ان بداخلي اعتقاد انهم جايين البرنامج لاهداف مادية او تنقل من بلدهم للاقامة بلبنان والبرنامج سعيد ان وصلهم لاهدافهم ..

انا ما شفت معالجة نفسية قد ماشفت عطايا وحفلات ووصلات من الردح الشرقي وزفارة لسان .. وسفر وتنقل علي حساب البرنامج .. وتعليم ..
لكن علاج نفسي ماشفت ..
واعتقد ان البرنامج حولهم لكائنات اتكالية ..

وشكرا لكم

قلب (( حامت كبدي من البرنامج ))

المصدر: نفساني

المشاركة الأصلية كتبت بواسطة قلب

(( حامت كبدي من البرنامج ))

ههههههههههههههههه وانا والله

ما عندي القناة المذكورة ..كلن شفت حلقة واحدة لما كنت في فندق وصراحة جبتيها



تحسين انه تصنع وجمهرة بلا داعي

واصطناع الاحتراف من المتخصصين ( علشان كذا مكشرين )

امكن تكون تكشيرتهم لانهم امام الاضواء ..
ولازم نراعي دا الشئ..
والبرنامج استفادوا منو كثير من الناس اللي عندهم حالات قربيه منهم..
لانهم استضافوا نخبة من الاطباء القديرين والمعروفين..

ودا رأي على الاقل......

شكرا على ردودكم

واحب ارد على كل واحد فيكم علي حدا ..

أبو فهد : شكلك شفت البرنامج .. واضح ان كبدك حامت مثلي واكثر .. بس يقولون فيه دوره ثانية للبرنامج وناويين علينا .. المشكلة وقت البرنامج مره ممتاز ..

راسيل : شكرا لردك .. واتوقع لو كنتي شفتي اكثر من حلقة كان حامت كبدك مثلي .. بس الله رايد فيك خير اللي خلاك ما تشوفين الحلقات .. بس الاصطناع كان مو طبيعي .. حتي الدكاتره تشوفينهم يتكلمون بطريقة مفتعلية بس اعتقد هدفهم هو الشهرة ..
وكل دقيقة يثبتون ان البنات قاعدين يتعالجون وانهم يسيرون نحو النجاح ..
ياكان بالبرنامج كمية ردح وقلة حيا خلتني انفجع .. والدكاتره ولا هم هنا.. اهم شي انهم شايفين ان كل شي تمام ..

رمز السكون : والنعم بالدكاتره .. بس كان فيه ميه طريقة وطريقة لتوضيح للبنات المشتركات .. ان التعامل مع الاخرين جدا مهم .. وان الدين معاملة .. لان البنات وصلو لمرحلة غريبة من طوالة اللسان والتعليقات القوية .. والصراخ .. وحده الطبع ..
وانا استغربت كيف الدكاتره ساكتين عن ((((( قلة الادب .. وسوء الخلق ))))

والف شكر لردودكم

قلب

البرنامج كان بايخ جدا ولا له داعي هدفه التجميل والازياء والسهراتوالبس والموضه لاكن في شخص اثر فينى عبير يتيمه وعانت من جد هي الوحيده وابتسام كله ساعه تصيح على اتفه الاسباب بايخ بصراحه امبي سي فشلت بعرضها لهمن يوم يجي نستنا ينتهي من الملل

بــــكل بساطه



لانه المشتركات يعانون من مشاكل نفسيه ...سببها الماده




يحفظك ربي




شكرا مره