وش الي اصابني

وش الي اصابني

السلام عليكم ورحمة الله وبركاته

انا شاب عمري 26 من فترة 10 شهور تقريبا وانا جالس في امان الله الصبح جاني احساس غريب كأني بموت ونزلت للدور الارضي ركض وقلبي يرجف حصلت اخوي صاحي وعلمته بالسالفه قالي روح للمستشفى رحت وسولي تخطيط وقالو مافيك شي هذا توتر ومن بعده الله لايوريكم حالتي النفسيه صارت زفت وكل شوي وانا في مستشفى تقريبا الي زرتهم اكثر من 24 دكتور من غير مبالغه سويت كل الفحوصات وكل شي سليم ولله الحمد ارتحت شوي وانتهت مشكلة الخفقان وبدأت مشكلة ضيق التنفس واول نوبة ضيق حصلت لي نزلت ركض لبيت الجيران لأني كنت جالس لحالي في البيت مافيه احد وادق الباب عليهم وطلع جاري قلت له ودني للمستشفى نفسي مقطوع لكن المصيبه انه حاول يشغل سيارته مارضت تشتغل لكن لحسن الحض سائق توصيل الطلبات اليمني مر من الحاره وقفته ووصلني للمستوصف قريب من البيت وركبت لي اللمرضه اكسجين ونادة الدكتور وكشف على قال مافيك مشكله انت متوتر اكيد او مانمت زين ومكثر منبهات ؟!!!!
احترت في حالتي والان اعاني من هبوط في الضغط جنني في حياتي لدرجه اول ما اطلع من البيت واركب السياره ينخفض عندي الضغط واتوتر وحص بغصه في الحلق والله وقفت الدراسه وتركت الوضيفه وحالتي حاله الله يعين طول وقتي جالس في الغرفه ما اطلع من الخوف انه ترجع لي النوبه ودي ارجع اكمل دراستي وارجع لوضيفتي بالرغم من انهم الا الان يقولون تعال وضيفتك موجوده ماراحت لكن ماقدرت .
فيه واحد من الدكاتره وصفلي سيبرالكس اكلتها يومين وماتحملت اعراضها الجانبيه ووقفتها والسيروكسات نفس الشي ماقدرت اتحمل اعراضه الجانبيه والان توني اليوم شاري لوسترال لأني قريت ان اعراضه الجانبيه قليله بس قريت في النت انه يسبب انخفاض في الضغط وهذا الي كدرني لأن علتي الاساسيه الان الهبوط بالرغم من انه مو هبوط حاد لكن مزعج . وفيه شي انا ملاحضه في يخليني ايقن ان علتي عضويه وليست نفسيه في الم في يدي اليسرى احيانا واشوف نبض في وسط الكف واذا بغيت انام احس بدقات قلبي واضحه . واي مرض اقرا عنه احس انه موجود فيني

هل فيه احد مر بنفس الحاله ؟ وكيف التخلص منها ؟ والله تعبت ومحتاج الوضيفه لأن الحاله الماديه صارت زفت .

ملاحضه : من ضمن التحاليل الي عملتها كان فيه نقص فيتامين دال واصل 20 هل ممكن يكون هو السبب ؟

المصدر: نفساني

يا حبيبي كلنا مثلك بس لا تفكر في جسمك طنش

واستمر على العلاج خاصتا السيركسات مفعوله يبدا بعد عشر ايام

اسمع نصيحتي خليك على العلاج ولا توقف

والله يا اخ محمد حاولت اني اطنش بس ماقدرت وبعدين انت تقصد استمر على الوسترال ولا السيروكسات لن الاخيرهذا اعراضه الجانبيه كانت قويه ماتحملتها واليوم اخذت حبة لوسترال وان شالله تكون اعراضه خفيفه.

وعلى طاري السيروكسات فيه واحد صديق اخوي مرة عليه نفس المشكله واستخد السيروكسات لمدة 9 شهور والان عايش طبيعي ووصاني عليها لكن ماحتمت اعراضها

وثاني هل الي فيني هلع ولا قلق واكتئاب

هلا اخوي طارق الف سلامه عليك سويت فحوصات للقلب او لا مو تخطيط قصدي جهد تصوير تلفزيوني شي ؟؟؟

هلا عنوان الهم
الي سويته 6 تخطيط قلب ومرتين تصوير تلفزيوني وركبولي جاز هولتر 24 ساعه وكلها سليمه ولله الحمد بالرغم من ان الدكتور حصل ضربات القلب واصله 130 بس يقول لي طبيعي !!!!

اخوي طارق انا وصل معاي النبظ 155 حسيت الموت وطلع كله توتر الحمد لله مافيك شي كل الي فيك اوهام مرت علي لين بغيت انجن وتركت وضيفتي بس رجعت انتبه لاتدمرك خلك قوي يااخي ليش خايف وشو الموت الي يخوفنا والله كل الي قلته انت احدى عشر سنه وهو يمر علي والحمد لله شفني عايش

ودي اسال هل والوراثه لها دور لأن خالي قديم مرت عليه الحاله وخالتي الا الان هي كل شوي في المستشفى مع انها سليمه وانا طالع على خوالي كثير

ممكن والله بس انسا انت لاتدمر الاوهام حياتك اخوي انتبه

والله ياخوي حاولت بس عجزت

وثاني هل تخلصت منها انت ولا باقي تمر عليك وهل هي هلع والا اكتئاب وهل في امل انها تزول تماما

انا ماتخلصت منها والله ولاادري وشي لسا والعلاج من الله سبحانه

الله يعينا وياك

بس استخدمت دوا ولا لا

اي سيروكسات واندرال والامور ماشيه ابشرك

الحمدلله والله يتمم عليك الشفاء ويشفينا

سبحان الله والله مثلك أخي الكريم

اول ما بدأت الحالة كنت أفزع للأهل بهذه الطريقة

كنت أفكر اني بموت وفي مشكلة في القلب والتنفس

بس بعد ما زرنا العديد من المستشفيات ودائماً كل الفحوصات سليمة

بدأت ابحث في النت واكتشفت اني مصابة بالهلع مثلكم

وأن المشكلة ليست عضوية

بس قوي نفسك أخي الكريم وارجع لوظيفتك

لا تخلي الهلع يوقف حياتك

مارسها واجبر نفسك والا بتزيد الحالة عندك

الله يشفينا جميعاً ...

اخوي طارق 000000000

اسمع نفس وضعك واسوأ بعد 000 جاتني الحاله 0

مختصر الكلام -لما تق{ا عن مشاكل القولون تجدها قريبة جدا من حالتنا والسبب ان الجهاز الهضمي فيه نسبه 95 بالمائه من مادة السيروروتين المسؤله عن السعاده والباقي بالمخ 0000 مالك في الطويله
وعشان كذا لما يتهيج القولون يسبب اشياء كثيره اذكر بعضها لك

1- يكتم النفس
يسبب خفقان
الم في الكتف او الظهر احيانا تنميل
صداع
احساس بالموت
يربك الوضع النفسي والوضع النفسي اذا ارتبك يدمرك

انتفاخ البطن
تحجر الغازات
والباقي كثير

عشان كذا جرب نفسك مع استشاري باطنيه مثلا المفرح بالرياض او الشدوخي بطريق العروبه

واذا صرف لك ادويه نفسيه



استخدمها

وصدقني راح ترتاح بعدها ترى اذا اعطيت نفسك هواها راح تسوء الدنيا بعينك 000تلاحق نفسك 0

ولا راح تموت قبل يومك

واذا جاء الموت صدقني ماراح ينقذك شيء منه 0 واذا تعرف احد انقذ نفسه من الموت علمنا كيف نسوي مثله


وبالتوفيق 0



تأكد من استشاري باطنيه