علاج جديد يمثل امل جديد لمرضى الوسواس القهرى

علاج جديد يمثل امل جديد لمرضى الوسواس القهرى

ياجماعة بينما انا اتصفح فى بعض المواقع والجروبات الاجنبيه عن علاج جديد واخر ماتوصل له العلماء فى علاج الوسواس القهري فوجدت اهتمام كبير جدا جدا بعلاج اسمه
inositol والعلاج ده فيه منه بودره وكبسولات..لكن الكبسولات بتبقى جرعتها صغيرة وماتنفعش مع مرض الوسواس لانه بيحتاج لجرعات كبيرة فالحل ليها استخدامه كبودرة بجرعة معينة..والعلاج ده اثبت فاعلية كبيرة جدا جدا فى علاج الوسواس وحلاوته انه عشبى يعنى مش هيسبب اى اعراض جانبية تقلق المريض مثل ادوية ال ssriوال clomipramine وخلافه ونتيجة فعالة عنهم بكتير
لكن المشكلة بقى انى بالفعل بحثت عن العلاج ده فى مصر مالقيتهوش ولفيت كتير فى البلد اللى انا ساكن فيها على جميع الصيدلييات عشان الاقيه لكن مفيش...وذهبت الى القاهرة وبردو لفيت فى صيدليات كتيييير جدا وبردو مفيش...مش عارف الحل ايه..ماهو مش معقول مش هيكون موجود فى مصر كلها يعنى
فأرجو من الناس تحاول تبحث عنه بشتى الطرق..لأن العلاج ده اثبت نجاحه مع ناس كتير جدا..
كذلك فى علاج اسمه tryptophan وده يعتبر precursor of serotonin يعنى المادة اللى بتتحول الى سريتونين فى المخ..وهى المادة اللى بيعانى مريض الوسواس من نقص فيها وبتسببله مشاكل الوسواس لأنها هى الموصله بين الخلايا فى المخ..ونقصها يؤدى الى الاعراض اللى كلكم بتعانو منها..وبالفعل بحثت عن هذا التريبتوفان فى شتى انحاء القاهره يعنى صيدليات كتير فيها ولم اجده بردو..وده بردو بيمثل امل
على فكرة انا بتكلم من خلال خبرتى لأنى بالفعل مريض وسواس وبعانى من اشد انواع الوسواس ماعتقدش ان احد عانى زى خصوصا وانى كمان فى كلية الطب....اخر سنة ان شاء الله.. وهو عندى بقاله عشر سنين.. والوسواس ده بالمناسبة لا يصيب الا الاذكياء يعنى ال iq عندهم بيبقى عالى..الiq" "inligence quotient" هو معامل الذكاء كلما زاد الذكاء كلما زادت حدة الوسواس ..ودرست طبعا الطب النفسى كله..وكنت مركز عالوسواس اكتر..لانه يهمنى ..وللأسف هنا فى مصر اهمال فظيع فى علاج مثل الحالات النفسية سواء وسواس وخلافه لان الدكاترة لايهتموا اساسا بمعاناة المريض ونظرا كذلك للتأخر الكبير واعتبار ان المرض النفسى عار..لكن هناك فى امريكا واوروبا عندهم نفسية الانسان وانه يكون مرتاح نفسيا فى المرتبة الاولى ومن اولاوياتهم بجانب ان هناك الحياة المادية مرتفعه عننا..وعلى فكرة الوسواس لا يفرق بين مسلم او مسيحى او يهودى او حتى مجوسى لانه خلل عضوى فى المخ كما ذكرت..وبيبقى غصب عنك الافكار بتتوارد الى ذهنك واحده تلو الاخرى تخلص من فكرة تدخل واحده بعديها وهكذا..وانا طبعا متابع لكل ماهو جديد فى عالم الوسواس القهرى فى امريكا واوروبا ومشترك فى منتديات اجنبية عن الوسواس..يعنى الوسواس مش بس فى العرب والمسلمين بس..الوسواس ده خلل عضوى فى خلايا المخ او بالاحرى فى مادة السيروتونين الموصلة بين خلايا المخ وبعضيها..وللأسف ده قدرنا..اللى احنا لازم نرضى بيه سواء برضانا او حتى غصب عننا..واحنا دايما بنسعى وراء العلاج ومش عايزين نفقد الامل..لأنى انا بعتبر هذا الوسواس من الاشياء المدمرة اللى تدمر حياة الانسان تماما وتعصف به من القمة الى اسفل القاع لو فيه كلمة اكبر من القاع انا كنت قولتلها..حياته بتبقى مدمرة..ودى عن تجربة شخصية..مش عايز اطول عليكم..ادخل فى المهم
دلوقتى انا طالب من الجميع طلب وهو البحث عن العلاجين اللى انا ذكرتهم..بشتى الطرق..عايزين نساعد بعض..وخصوصا اللى يلاقيه فى مصر فى اى بلد يقولى المكان بتاعه..عشان انا من مصر..وانا ان شاء الله اجيبه..وباذن الله لو احد لقاه ابقى اقولكم الجرعات بتاعته عشان تستفيد اكبر استفاده ان شاء الله هرجع اكتب العلاجين بالعربى والانجليزيى:
الاول: انوسيتول بودرة inositol powder والثانى:l-tryptophan ال تريبتوفان
وفى النهاية وفقنا الله جميعا لما فيه الخير وازاح عنا ماابتلانا به
ويارب حد يلاقيه..آسف اذا كنت اطلت

المصدر: نفساني

استغفر الله واتوب اليه

ايه يااستاذه ميمى هو انا قولت حاجة غلط حضرتك بتستغفرى ربنا عليها

المشاركة الأصلية كتبت بواسطة مجروح جدا

ايه يااستاذه ميمى هو انا قولت حاجة غلط حضرتك بتستغفرى ربنا عليها

جلست اقراء موضوعك وانا استغفر فاكتبت استغفر الله واتوب اليه لاتسوء الظن ياباشا

هههههههه..اوكى متأسف انى اسأت الظن..انا اعتقدت انى ممكن اكون اخطأت فى حاجة بدون مااخد بالى..لكن عموما يارب يكون الموضوع عجبك

سلام عليكم ورحمة الله وبركاته

اخي الكريم مرحبا بك في منتدى
اخي انا عايز رايك بصراحة في حلتي

لدي وسوس من شكلي يعني لازم اخد بالي من لبسي لدي وسواس من ناس يعني اقول دا يمكن بيبوص فيا دا يمكن عيز عملي دا بيتكلام فيا د الي بيضحك بيضحك عليا مبعرفش اتكلام معا ناس يمكن عندي فكرة عن حياة غير فكرة ناس بعد مرة بيجني و سوس دقة في قلب و لزم انزل عيني و بوس فا نافسي يعنى بيجني و سوس شكلي و لله اخون انا مش عرف ايها هو الي فيا لو كان ممكن مساعدة و لله عضيم انا محتج اليكم اخوني و لدي ايضان الرهاب الإجتماعي

لدي وسوس من ناس اقول دا بيتكلام في و دا بيضجك على و اتنين الي بيتكلام
بيتفهمو عليا مبعرفش اتكلام معا ناس لدي وسوس من لبيس يعني لو لبست بنطول مبقدرش اغير اقول لو غيرت ابنت الي تكلامت معيا مش حتتكلام معيا تاني لو غيرتو ناس الي اتكلامت معيا بيحترم مش حتكلامي مر اخر بنفس اسلوب لدي وسوس لو كانت اتكلام معا اصدقاء في حور مبقدرش اتكلام بخف معرفش اتكلام او يجيهما كلامي غريب
لو حدا من عائلة بتفرج فيديو تاقفي او محضرة بقول في نفسي و بتعصب دا حيتفرج و حيصير احسن نفس موضوع لو حدا ريح يلعب رياضة

اخي في هذه ايام اتني سواس الشذوذ و قول حكون في مستقبل شذا و لزم انتحر و تجيني اعمل حجة غريب انت عرف و لله انا تعبت

والله انا مقدر حالتك وحاسس بكل اللى انت بتقول عليه...اولا بداية العلاج انك تكون متأكد مليون فى الميه ان اللى عندك ده وسواس وشىء مش حقيقى وانو بيجى غصب عنك نتيجة خلل عضوى فى المخ
بص العلاج ممكن يتم بطرقتين:
اولهم:علاج سلوكى:
وهو التعرض ومنع الاستجابة بمعنى..انك تترك الفكرة موجوده بدون ان تنفذ ماتطلبه منك بمعنى بردو ان لو انت عندك وسواس فى شكلك ولازم تبص فى المرايه عشان تتطمن من شكلك..لا تنتبه اليه وماتبصش فى المراية وقاوم..حتى تذهب الفكرة..هتدخل فكرة تانية بعديها زى وسواس دقة القلب كل اللى عليك انك تترك الفكرة وكأنها مش موجوده لغاية ماتاخد وقتها وتمشى لوحدها بدون ما تنفذ اوامرها وهكذا مع كل الافكار التى تتوارد عليك..حتى يتعود المخ على عدم الاستجابة للفكرة الموجوده..انا عارف ان الموضوع صعب ..لكن لازم تحاول
ثانيهم العلاج الدوائى:
انا كنت طرحت علاجين بس للأسف مش لاقيهم فى مصر ودول اعتقد اثرهم كويس مع مريض الوسواس
لكن العلاج اللى موجود فى السوق خاص بالوسواس هو مجموعة مثبطات اعادة السريتونين الاختيارية او كما تسمى "selective serotonin reuptake inhibitors" او ssri هى الحقيقة ماجابتش نتيجة معايا..لكن ممكن تجيبة نتيجة مع حد تانى نظرا لاختلاف استجابة الافراد عن بعضها..ممكن فرد يستجيب لعلاج والاخر لأ..لكن عموما لو حضرتك حابب تاخد منها انا ممكن اكتبلك على علاج كويس جدا..وان شاء الله يجيب معاك نتيجة..لكن اعلم انت نتيجة تلك المجموعة مش بتظهر الا بعديها بحوالى من 2 الى 3 شهور من بداية الاستخدام..يعنى عايز الصبر
لو انت حابب قوللى و انا اكتبهولك بالجرعات..ولو عايز تستفسر عن حاجة تانية انا تحت امرك

ايه ياجماعة مفيش حد حاول يبحث عن العلاج اللى انا كتبته ده خالص
والله ده مفيد جداااااااااااااا
انا حاسس ان الناس مش فارقة معاها

المشاركة الأصلية كتبت بواسطة مجروح جدا

ايه ياجماعة مفيش حد حاول يبحث عن العلاج اللى انا كتبته ده خالص
والله ده مفيد جداااااااااااااا
انا حاسس ان الناس مش فارقة معاها

والله انا مهتم اخي كريم
واتمان ان تكتب لعلاج هنا
واضفتي للتعرف على حالة اكتر وجزاك الله خيرا

facebook www.fb.com/ybouzian skype yousse994200

متشكر ليك يااخى..
انا ياجماعة والله غرضى المصلحة لجميع الناس وانا عايز الناس تبحث عنه لانه والله فعال ومالوش اى اثار جانبية واعتقد انو رخيص
والعلماء اثبتوا فاعليته على اشخاص كتير..لانه بيعيد بناء الخلايا فى المخ من جديد..احسن من ادوية كتير جداااااااا مالهاش لازمه
ارجو من الناس الاهتمام بجد لان ده مصلحة لينا والله العظيم وانتو مش هتخسروا حاجة لو اهتميتوا وسألتوا..ماهو انت مش هتتعالج بدون ماتبحث ..وبلاش تكون سلبى ومستسلم للأمر الواقع..وحاولو تتواصلو معايا واللى سأل عليه ومالقهوش يقوللى واللى ماسألش يسأل ويهتم..لعل وعسى ربنا يجعل فيه الشفاء صدقونى

هل من مجيب..اتمنى الاهتمام ياجماعة..ناس كتير جدا شافو الموضوع..ومفيش حد اهتم..مش عارف ليه

يعنى مفيش امل حد يلاقى العلاج ده..ياخسارة

حياك الله أخي / مجروح جدا...


الاينوسيتول هو مادة موجودة بشكل طبيعي في خلايا الإنسان وفي بعض الأطعمة كالحبوب والبقول وفعلاً قرأت أنه يعالج الوسواس والقلق كما أنه هام لصحة الشعر لذلك يضاف لتركيبات الشعر..وهو يأتي على شكل حبوب ومسحوق..والمسحوق أفضل لأن جرعته تكون عالية...هو موجود في محلات الأغذية التكميلية على شكل حبوب,أما المسحوق فلم أجده عندهم وبالإمكان طلبه من الخارج عن طريق مواقع التجارة الإلكترونية..

لو حضرتك من مصر..ممكن تقوللى مكان معين

.أنا من السعودية يا طيب..