احتاج مشورتكم بعد الله سبحانه

احتاج مشورتكم بعد الله سبحانه

اخواني وخوات هذا المنتدى الذي اعتبره الملاذ الوحيد بعد الالتجاء الى الله سبحانه وبث همومي وحزني فيه بصراحه مادري من وين ابتدي وانتهي لكن بدخل فى الموضوع على طول ..


انا لي تقريبا الان خمس سنوات ماشفت مكه ولا زرتها بسبب هالهلع وخوف السفر على الطريق .. اسافر بس للكويت وتستغربون سفري للكويت بس راح اوضح السبب والسبب هو انو الكويت على الخط لما تلتفت تشوف المناطق جنب بعض وفيها مستشفيات اقول فى نفسي حتى لو صار اي شي الا المستشفى قريب والحمد الله لكن السعوديه مسافات المناطق فيها بعيده يعني يبيلي ساعتين ولا ثلاث عشان اوصل للمستشفى

مشكلتي وين تقع ومتى يجني الهلع هو لا سافرت ووصلت الى خط تنقطع فيه الشبكه والمستشفيات بعيده قل ميتن ثلاث مية كيلوو هنا تبداء معي حالة الهلع والافكار هذي

نهايتك قربت ماتقدر توصل المستشفى المسافه بعيده تلتفت يمين يسار تشوف بس صحراء تطالع فى الجوال الابراج منخفظه . ومايخفكم الاعراض صداع شديد رجفه في انحاء الجسم تنشف الشفتين ثقل فى الجسم يالله احركه .. وضيقه شديده فى الصدر

كل ماسافر الى مكان فى السعوديه بنص الخط يجني الهلع اكثر من كوني فى المدينه الي اسكن فيهاا .. وازعج الي معي واقوله انا بموت ويخاف لما يشوف الاعراض ويرجع فيني ويوديني للمستشفى بس ادخل المستشفى وياخذون الفحوصات ويقولون سليمه ارتاح وشوي اشوف الهلع غادر .. الحين اهلي مصرين الى اني اروح معهم وانا بعد ودي السفر لامكه ومن زمان عنهاا ..

ابي مشورتكم احد سافر قبل هالمره ؟ وشنو صار معاه ؟!

هل تنصحوني اخذ احبوب منومه واكلها واصير طول الخط نايم . ؟!!

ولا عندكم طرق واساليب لا اشخاص مجربين انصحوني وافيدوني


طبعا العلاج تركته ماستخدم اي شي والهلع يجني فى اليوم مرتين وحده عند التعب الشديد والسهر ؟! ووحده قبل النوم .

المصدر: نفساني

اهلين بك اخوي تعبان حدي ,,, لو تلاحظ اللحين من كلامك انك تقدر تسافر للكويت والسبب قرب وجود المستشفيات حولك طيب ,, هل مرا سالت نفسك هذا السؤال على كثر مارحت للكويت هل بيوم رحت للمستشفيات الموجوده على الطريق لاطبعا ,, انا معك بكل كلامك ان نوبات الهلع مخيفه جدا جدا ولكن كل الامور هذي تجي من مخيلتك انت فمثلا انت رحت مكه هي نفسها انك رايح للكويت ليش لانه بحد ذاته سفر ولكن نقدر نقول انو الكويت عقلك الباطن تعود عليه اما مكه لآ والعذر عندك ايش انو ماحولك مستشفيات ,,, طيب فكر معي اساسا انت عارف وباصم ومتاكد مليون بالمليار انك لو جتك اي نوبه ورهت للمستشفى عارف وش جوابهم لك انك انت سليم وهذا شي طبيعي لانها من اعراض الهلع فهمت اللحين اخوووي وش مشكلتنا ,,, انو احنا نضع افكار في عقولنا ان المستشفيات هم الذين يشفوننا وليس الله نؤمن ونتكل على الاطباء ,,, هي كلمتين خذها مني انا اذا انت ناوي من كل قلبك انك تروح تاخذ عمره روح وتوكل على الله واستشر لك طبيب ممكن يعطيك علاج احتياطي ,,, ولكن اعرف من توكل على الله فهو حسبه وله نفسك على الطريق باي شي ولا توسوس صدقني اعرف ناس كثيره تسافر والله العظيم بنفسهم يقولون كنا نسافر ويجينا هلع ونزلبه ويروح على طووول وبعدها معاد يجي ,,,, حط الله بين عيونك واعرف ان مااصابك ماكان ليخطئك ومااخطائك ماكان ليصيبك ,,, توكل على الله وسافر وفلها وادع ربك ولا تخاف وانت مافيك شي خل قلبك حديد .... اخوك / ملحوووس

اخوووي انا كان بجعبتي كلام كثير لك..
لكن اكتفي بتأييدي لكلام اخوي ملحوس..

اخوي انت الهلع اللي بيجيك واضحه اسبابه..غيرك بيجيه الهلع فجأه

ومن دون مقدمات

توكل على الله وحط ببالك انه لو بيصير شي ؟؟فأنت رايح لبيت الله وصدقني راح ترتاح

اخلص النيه وتوكل ولا تخاف

الله يشفينا ويشفيك وكل مسلم يارب

تحياتي

ماراح ازود بالحكي النظري اخي

والاخ ملحوس كفى ووفى

للعمرة روح بحملة سوا بر او جو انتهت الحكاية على كذا

والاهم دام الفحوصات كلها سليمة ميه المية او لو حتى مو سليمة عالج بالقران

والصدقة والدعاء وخاصة صدقة الماء وكفالة الايتام وبأذن الله سوف تدعوا لي

لان الارجح يمكن انك مصاب بعارض روحي والله تعالى اعلى واعلم .

اسال الله العلي العظيم ان يشفيك

الحل الوحيد انك تسافر مع اعز الناس لك واحد ترتاح لما تكون معاه وكل امرك لله ،،، واحجز طيران داخلي
وصل ركعتين استخاره وربي يسهل امرك انا مع الهلع رحت مرتييين للعمره المره الاولي حيل ارتحت المره الثانيه بصراحه كان الخوووف مرتفع عندي ماارتحت بصراحه بس الحمدالله رحت ورجعت واموري زينه والله يكتبه لي عن قريب لي وللجميع?

طيب اقلع بطائرة

يا اخي و بعدين لو متت وش رح يصير لك ؟؟؟ هادا واضح انه وسواس لانك تقول كلما ابتعدت من مكان المستشفيات يجيك الهلع طيب اسمعني اخي اذا المرض جاك فجاة فانت فيك مس او عين او سحر المهم مرض روحي اما اذا كان سببه صدمة قوية لك او عقدة من شيئ ما فمرضك نفسي اذن خلاصة القول عالج نفسك بالدواء والقران اذا كان نفسي و بالقران اذا كان روحي

سلامتك اخي تعبان حدي
مشكلتك واضحة و جد بسيطة
مشكلتي وين تقع ومتى يجني الهلع هو لا سافرت ووصلت الى خط تنقطع فيه الشبكه والمستشفيات بعيده قل ميتن ثلاث مية كيلوو هنا تبداء معي حالة الهلع والافكار هذي
انا نصيحتي اذا بدك خذ حبوب منومة و نم طول الطريق
و انزع من راسك اي فكرة و اذا راودتك النوبة تذكر انها وليدة لفكرة سلبية فقط و لن تؤثر باذن الله
و اكثر من الذكر و الاستغفار طول الطريق
و ربي يشفيك ان شاء الله