اعتذار

اعتذار

شكلي ازعجتكم بمشكلتي مع الدواء (انتابرو) اليوم الثامن من استعمال هذا الدواء اليوم بدأت بحبه كامله وحتى الان وانا حزين من الصباح ولا تحسنت حالتي ولكني صابر لعل الدواء يجيب نتيجه بعد الاسبوع الثاني وانا الان بحاله ضيقة صدر طوال وودي ابكي بس مستحي من اولادي وبناتي وزوجتي واثقل شي علي اذا هن يبغون مشوار
صحيح انا صرت مزعج في المنتدى لكن وش اسوي مالي الا الله ثم انتم اشكي همي لعلي اسلى عن الهم والغم الذي اعيشه هذه الايام من يوم بدات استعمال العلاج اسبوع مضى واليوم ثامن

ارجو من الله العلي القدير ان يشفيني ويشفيكم اجمعين انه ولي ذلك والقادر عليه

المصدر: نفساني

اهلين وسهلين
اصبر والله حاس فيك ادري الحياه تحسها مالها طعم لكن اصبر بعد الحبه اسبوعين على الاقل اذا ماحسيت بنتيجه ومافي اي تحسن حتى لو تحسن بسيط معناتها بيغير لك الدواء الدكتور لكن خل عندك عزيمه وصبر اقول لك انا صار لي 3شهور من علاج لعلاج لين ماحسيت ان البروزاك نفعني لكن ابيك تصبر توك في البدايه 8 ايام
والشي الثاني ياخي وش الكلام الي تقوله احس اني ازعجتكم وما ادري ايش ماعليك ياخوي ازعج بس حط حيلك ههههههههههه والله كل شخص هنا يعاني ويبي يفضفض وماعليه من الازعاج احنا كلنا مع بعض ونواسي بعض
اي شي تحس فيه اكتب وقل وماعليك >>>>> حسيتني نفسيه من جد ههههههههه
ترا الصلاه وقراءة القران تعطي تهدئة للنفس داوم عليها
يالله طمنا عنك عاد

الله يطمنك بالصحه والعافيه يابو هلع والله ادعيلك من كل قلبي انت والاخوان اللي يبادرون بالاجابه والتطمين لان الواحد منا مثل الغريق ويبحث عن اي شي يتمسك به جزاك الله عني خير الجزاء وشفانا جميعا
تحياتي لك

انصحك با القراءة عن تقنية الحرية النفسية

http://www.eftinfo.com/portal/book/EFT_book_fee.pdf[/url][/
هذا الرابط راح يغييير فيك الكثير ان شاء الله

جزاك الله خير

الرابط كان فيه خطأ هذا الرابط الصحيح

http://www.eftinfo.com/portal/book/EFT_book_fee.pdf

والله مالومك مثل ماقلت مثل الغريق لكن لازم نساعد بعض ولا نترك مرض يعكر حياتنا ومستقبلنا
طمني الحين شخبارك تحس بشي في اعراض مزعجتك خلنا ندردش ونفضفض ونا اخوك

اليوم بعد صلاة العشاء تحسنت والحمدلله طلعت وخذت مقاضي وصليت مع الجماعه ي المسجد والحمدلله ارجو من الله العلي القدير ان يمن علي وعليكم بالشفاء واشكرك يابو هلع جزيل الشكر على المتابعه
تحياتي

على فكره أخويه ماوردي ، نص العلاج بالتفاؤل، وبما إنك صليت جماعه، وتحمد الله على كل شي

كون دايما على وضوء ،

ولاتنسى دايما تقول

سبحان الله
لا إله إلا الله
الحمدلله
الله اكبر

رددهم كثر ماتقدر ..

وإن شاء الله الهم يزول عنك

كلام والله يشرح الصدر حمدلله بدايه موفقه عاد لا وصيك استمر واصبر انا مثلك اليوم حاس الدنيا منحاسه بس مع ذلك تحديت وشغلت السياره ومن الرياض للشرقيه صحيح تعبت بالطويق بس طنشتها وماراح اترك فرصه للقلق وغيرها وربك يعين :/

الله يوفقك ويستر عليك ويكفيك الشر والاشرار

الله يدلك لكل مافيه خير وصلاح يابنت الظبي وشكرا على تفاعلك

حياك الله أخوي ماوردي

لاتعتذر حبيبي الغالي كلنا مررنا بنفس حالتك وأكثر وأفضل لك لاتستعجل عالدواء يمكن بعد إسبوعين تشعر بالتحسن

بخصوص حالتك أتمنى تخبرني باللي مريت فيه أسأل الله لنا ولك العافيه آمين

00``00`

اهلن اخوي ابو عبادي والله ياخوي من اول ماصحى من النوم مع اذان الفجر اصحى وانا متضايق وحزين وخايف اروح للمسجد بعد جهد جهيد واحاول اتاخر شوي حتى تنتهي اكثر القراءهفي الركعه الاولى ثم اصلي وارجع البيت كل هذا وانا شايل هم كبير ومتضايق اقول الاذكار واحيانا ماقدر اجلس في مكان واحد او اضطر اركب السياره واروح ادور شوي حتى تخف الحاله شوي وارجع البيت وهكذا ونفسيتي للشهيه منسده ولااحب اروح بعيد ولا احب الاجتماعات العائليه والزملاء عكس اول وهكذا
ارجو من الله العلي العظيم ان يمن علينا وعليكم بالشفاء انه سمي مجيب