مصيبه وحلت علي !

مصيبه وحلت علي !

بسم الله الرحمن الرحيم ..

اخواني انا عندي دوره عسكريه خلال الاسبوعين القادمين .. والمصيبه في الموضوع
انني استخدم السيروكسات صار لي شهرين الان ومرتاح على الدواء.. لكن في الدورات العسكريه
ممنوع منعا باتا احضار الادويه ..وخصوصا النفسيه حيث انهم اذا علمو انك تستخدم
دواء نفسي فصلوك مباشره ..

والله اني في حيره من امري , هذي الوظيفه هي الامل الوحيد الذي بقي لي
لا اعلم هل اجازف وادخلها معي (بالدس) او اقطعهاا ويتسوء حالتي
ام اترك الوظيفه ام ماذا ؟؟

اشيرو علي فانا في امس الحاجه لكم .


شفانا الله واياكم والهمنا الصبر والسلوان

المصدر: نفساني

لا لاتترك الوظيفه، لانه لو خذيتها بالدس ، في احتمال مايعرفون ، وتستمر في الدورة ،

وممكن تحضر الدورة وتترك الدواء ، ممكن ماتحدث لك انتكاسه ، وتقدر تكمل الدوره

انا أتكلم من الجانب الايجابي

وممكن تودي الدواء بالدس ويعرفون ويفصلونك مثل ماقلت، وممكن ماتاخذ الدواء ، وتتعب لاسمح الله، لكن وقتها هم يتصرفون ، يمكن مايعرفون أنك تعاني من مرض نفسي

بس استخير ربك قبل كل شي وهو اللي يوضح لك الأمر

ربي يوفقك وينور طريجك يارب

لو كنت مكانك صراحة لاوقفت الدواء من الىن ابدأ بالايقاف التدريجي

هذا مستقبل مافيه لعب اخوي

إذا فعلا لو لكتشفوا امر الدواء بيفصلونك وانت ماتقدر تستغني عن الوظيفة


وقف الدواء عموما انت لك شهرين تاخذه يعني ايقافه سهل ابدأ بالتدريج واتركه


غلا اذا كان في تساهل في موضوع الدوا يعني سهولة ادخاله والرقابة ماهي شديدة عادي كمل

هذا الي عندي

الله يوفقك ويبارك لك في الوظيفة

أول شي مبروك مقدماً ع الوظيفة .. ويارب تكملها بدون ما تحتاج للدواء نهائيا
زي ماذكر لك أبو الحور حاول الاستغناء عنه تدريجياً وأنا متأكد أن وقت الدورة ماراح
يشغل بالك شي إلا الجهد اللي تقدمه وعلى فكره كثير من اللي مروا مرحلتك يذكرون
أن افضل وأجمل أيامهم أيام الدورة العسكرية .. راح تتعرف على أصدقاء جدد
وراح يكون وقتك منظم جدا .. كذلك الغذاء المتوازن .. وما يجي الساعة 9 مساء إلا وانت ع الفراش
الله يعينك ع ال 45 يوم _
وأنا متأكد تماماً بعد الدورة بتجينا على أحسن حال .. ويصير الرهاب في صفحات النسيان
سلام يصحبي

الله يعطيكم العافيه .. بجد خففتوا عني شوي

والله اني محتار شكلي بترك الدواء .. لانه بعد يسبب الخمول , والعسكريه
كرف ويبيلهاا واحد جني مايرقد ههههه
خصوصا في ال 45
يوم الاولى .

على العموم بستخير والله يكتب الي فيه الخير..

وشاكر لكم مره اخخخرى

الله يعينك ... حاول توقف الدوا بشكل تدريجي قبل الاسبوعين
وتوكل على الله وخل الخوف وراك وواصل لي بديته فربما لن تحس
باعراض الإنسحاب لان مدة شهرين قليله والله يكتب لك لي فيه الخير
لكن ان تاخذ الدوا معك فهذه مجازفه وربما وقفوك وعاقابوك او شيئ

تقدر تدخلها باكثر من مليون طريقة وانت وشطارتك
خذ مني وانتم بكرامة مثلاً تحطها بعد ماتفرغها من الكرتون في منديل وتطويها جيداً وتضعها بين الشراب والجزمة
الناس تدخل سجائر ووووووو
الامر هين

اخوي علي بالي ميت لك احد ولاشي هونها وتهون كل مشكله له حل استخير واترك العلاج ب التدريج وتوكل علي الله يمكن خيره وتشفى من المرض النفسي كله ان شاءالله الله يتمم عليك ويسهل أمرك ويوفقك

صراحه أنا مع انك تترك الدواء تدريجي وضد تهريبه لأنه ممكن يكشفونك وتصير مشكله ! تقدر تأخذ مهدى مثل اندرال قبل ما تحضر وصدقني في الدوره راح يختفي الرهاب ، بس تدخل من اول يوم وانت ناسيه وناوي تغير نفسك !!!

انا كنت بدوره عسكريه اربع شهور

وكنت ادخل انواع الادويه اللي ابيها مثل البنادول وادويه المعده وحتى لو جاء تفتيش ماينتبهون لها عادي

يعني ماحد بيجيك ويقعد يفتش ويقرأ الدواء ويعرف ليش تستخدمه ,, هم يدورون ممنوعات مثل دخان ومخدرات وجوالات

وع فكره مافيه شي اسمه يفصلونك عشان سيروكسات ,, يعني يدمرون مستقبلك عشانك تبي تتعالج

مافيه امل يفصلونك من الوظيفه صعب جدا اتكلم عن السعوديه ما دري عن الدول الاخرى ,, اعرف كم واحد فصل ورجع بكل سهوله لانهم متساهلين حاليا بسبب قله الوظائف والموضوع صاير حساس شوي

وكم واحد يحللونه متعاطي مخدرات حبوب وحشيش ما فصلوهم ,, وتقول يفصلونك عشان سيروكسات مسستحيل

ولو تحاول تترك العلاج افضل ,, لانه الدوره ايامها جميله جداا افضل ايام حياتي واتمناها ترجع كنــت خايف منها ويوم دخلت صرت رقيب سريه ومن الخمس الاوائل ع الدوره من 360 خخخخخخخخخخخخخخخخخخخ يازينها من ايام ياليتها ترجع ,, من يوم طلعت من الدوره وحالتي صعبه وانتكست بقوه

بالتوفيق لك ان شاء الله

فعلاً اذا عرفوا انك تاخذ هالدوا راح يفصلونك الافضل انك تدخل بدون دوا والعسكريه اساعدك دواء الشخصيه تغير شخصيتك والله اعلم شنو الاحسنلك بس تبي حل استخير ربك

الله يهديك يااخي

متعاطين المخدرات والحشيش مافصلوهم وانت تتوقع علشان دواء بيفصلونك !!!!!

تطمن يااخي لامشكله ابدااا مع الادويه سواء نفسيه او مضادات حيويه او مسكنات الم وقتيه

ولكن الافضل لك :
1- ازالة الورقه المصاحبه التي فالعلبه علشان محد يقراء النشره الداخليه للعلاج
2- اي شخص يسالك عن الدواء قل لهم انه للقولون يتهيج بسبب الاكل وانا استخدم هذا العلاج وهو بوصفه طبيه ×× محد يقدر يناقشك ,,
3- ممكن الموضوع فيه خيره ولاتحتاج استخدامه نهائيا ايام الدوره ويكون سبب في علاجك
اتمنى ان تقطع الدواء تدريجيا ( ويكون معك اثناء الدوره .. للضروره فقط لاغير .)
وان شاء الله ماراح تحتاجه لان الدورات فيها وناسه واجتماع مميز ولاااحد يتصيد عليك الخطاء وبالعكس الكل يحاول يخطئ ليكون شعبيه فالمعسكر .
4- خذ معاك علاج آخر للقولون للتموييه ... واهم شيء لاتخبر اقرب قريب لك عن سبب استخدام السيروكسات خلال الدوره العسكريه.

والله اعلم واجل وهو الشافي سبحانه
اتمنى ان تكون لديك عزيمه ؛ العمر واحد والرب واحد . ولكل اجل كتاب الى متى وانت تحت تاثير الادويه وانت في مقتبل العمر .. ابحث عن العزيمه في داخلك .

كلام الاخ مضبوط لاتترك الدواء بالذات وانت في مرحلة علاج انظر لغيرك يستخدم ًاكثر من ذلك كالمخدرات مثلا..فكن قويا وخذ الرئ الصحيح..

الله يعطيكم العاافيه جميعااااا

يا احبه انا قطعت العلاج منذ اسبوعين تقريبا .. اول اسبوع كان فيه اعراض
خفيفه وراحت .. الحقيقه فرحت كثير لما وقفته .. ذهب الخمول والكسل الي كنت اكرهها اجد
وهي السبب في تركي للتمارين الرياضيه ..
لكن المصيبه ررجع السيد رهاب الله لايحيه .. ونا دورتي اجلوها الى شهر 8

ولا ادرري ياناااس وش اسووووي ..
الرهااب رجع ددبل ... امس طلعت مع اخوياي وليتني رقدت احسن لي ..
والله تمنيت اني مت قبل ما اطلع معهم ...

ما اقول الا الحمدلله على كل حال ..
وشكرا لاهتمامكم

مكسور جناح انا اخذت ادويتي النفسية معي لدورة عسكرية وعادي اسئلوني وش حقاتة ذي قلت عندي قولون عصبي ومشاكل بالجهاز الهضمي وحاطهن بعلب اسطوانية حقات ادوية اخرى