|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
20-06-2013, 01:03 PM | #1 | |||
عـضو أسـاسـي
|
لأول مرة أحس إني كارهة كل شي في حياتي .
السلام عليكم و رحمة الله و بركاتة
شخباركم ؟ إن شاء الله بخير .. لأول مرة أحس صدق صدق كارهة كل شيء في حياتي حاسة بملل .. ضيق .. طفشانة يوم أحس إني ملانة أمسك البلاك بيري بس أحس اني مليت منه و أحس بخوف و أحس إني قريباً سأفقدهم جميعاً. أمسك الجالكسي و أحس إني كارهتنه بعد أمسك الإيباد أقرأ رواية أحس بنفس الإحساس أحس إني خايفة ، و بإحساس غريب ، و أحس بالموت . فوق هذا كله السفر قرررب خايفة وايد .. المفروض أكون مستانسة لأني رايحة أعتمر بس أنا خايفة يمكن مستانسة لأني بروح و بدعي و ببكي بس في خوف إني ... يمكن ما أرجع ؟ ماعرف ماعرف شو ها الأحساس .. أمسات قريت موضوعي اللي كتبته العام قبل لا اسافر و كنت كاتبة نفس الشي اخاف اروح و ما ارجع اخاف و اخاف يلست اقول في قلبي كتبت العام و الحمدلله ما صار فيني شيء و تقريباً نفس الاحساس .. قاعدة أحس فيه الحين يعني ها وسواس ؟ بس فجأة أقول يمكن لااه تعبت نفسياً جسدياً عقلياً والله المستعان بسس حتى قبل لا أنام .. أحس بخوف ومادري أمس الفليل اذا انا حلمت و لا تخيلت او بداية الحلم الحلم اللي دوم أخاف منه هو حلم الاسنان ماعرف اذا حلمت شي يخص الاسنان امس ولا كان الشي بداية نومي مادري كيف أشرح لكم حتى .. الله يصبرني و يصبركم :"( المصدر: نفساني
|
|||
|
20-06-2013, 10:20 PM | #2 |
عـضو أسـاسـي
|
كلنا نعاني يا اختي من هذا الوسواس و الاحساس
انا للتو خرجت مع صديقي نتنزه و الله الفكرة في راسي كلما اردت ان اضحك يجيني الوسواس و اكتئب حتى جاني احساس لا اعرف ان اصفه وقلت له سوف ارجع الى البيت والله معاناة كبيرة مع هذا الوسواس و الاكتئاب كان الله في عونك اختي و خذي في بالك ان كلها افكار و وساويس كاذبة ! تذكري كم من مرة اتتكي الفكرة و لم يتحقق شيء منها و لكن للاسف نحن كل مرة نقل هذا مو وسواس شفاك الله و عفاك و كوني شجاعة و اذهبي الى العمرة ما يصرليك شيء ان شاء الله :) |
|
21-06-2013, 01:15 AM | #5 |
عضو نشط
|
اختي سويدي كيفك اخبارك ،،،انتي عاندي الوسواس انا حاسه فيك وربي لاني زيك مافي احلى انك تروحي بيت الله وتصلي وتدعي من كل قلبك في السجود ،،وانتي قولتلي العام نفس الشي والله انو وسواس بالذات اذا جيتي تبغي تسوي اي عباده يزيد عندك الخوف والوسواس بس انتي اضحكي وانبسطي لانك حتسافري وخليك مع اهلك لاتجلسي لحالك واطلعي من البيت ،،،لين متى نفضل كدا والله الوسواس دمر حياتنا حسبي الله عليه ،،الله يرفع عنك وعني ويشفينا وننسى الوسواس يااارب
|
|
21-06-2013, 10:08 PM | #7 |
( عضو دائم ولديه حصانه )
|
مرحبا اختي
انا اليوم طلعت وكنت رافضه الطلعه خوفي من الوسواس بعد مالبست تم قلبي يدق بسرعه وقلت لي متى انا بظل على هالحاله المهم طلعت وشفت اللي حولي كيف وانا عايشه في وهم وخوف لما رديت البيت، اشوف شيخ يتكلم عن الابتلاء ويقول الله اذا حب العبد ابتلاه مع اني اعرف المعلومه، بس كان يقول لاتخافون من اي شي، الله لو أراد بك الخير أو الشر هو اللي يقدر عليه ومن رضا فله الرضا ومن سخط فله السخط الصدقه ممكن تبعد الوسواس والاستغفار كذلك حسيت هان الأمر يارب يبعد عنچ الهم والوسواس والحزن اختي ويبعده عن كل واحد يعاني |
|
28-06-2013, 06:37 PM | #9 |
عضو نشط
|
اه الله يشفين واياكن
الله يشفينا ويعافينا اللهم اشفنا وعافنا من الواساويس يارب يارب انت قادر على شفائنا |
|
29-06-2013, 05:32 AM | #11 |
عضـو مُـبـدع
|
اه يا سويدي يا قلبي
الله يتقبل منك مقدما و ادعي لنا في مكه انا الوسواس يروح و يرجع ما تجني نوبات الهلع و الخوف الي قبل بس اليوم كله افكر في الموت و اقول شكله ما راح اصوم رمضان الوسواس بدا معي من شعبان السنه الماضيه و كنت اقول نفس الشيء و الي زاد عليه خالي توفي يوم الاثنين الي فات و انا في غربه الله يعين يا رب |
|
30-06-2013, 06:29 AM | #12 |
عضو نشط
|
طبيعي جدا شاللي بتحسيه لانه هذا مرض وسواس قهري+رهاب اجتماعي + هلع وطبعا بقائك ع هالحال ماراح يفيديج لانك ماتبين تكلمي اهليج عن وضع مرضك ماادري انتي خايفه منهم والا مستحيه منهم لاتكوني خايفه يقوولو لك مجنونه ولا خبله ولا موسوسه ولا مهستره
ترى ماعليكي من الكلام انتي اصح واسلم منه كل الناس لكن مريضه داء عادي يصيب 2% من سكان العالم وخليهم يصارخون عليج والا حتى يضربونك مو مشكله اقنعي امك لوحدك بغرفتك وفهميها وقولي لها انا مريضه وقريت عن مرضي وسالت اطباء نفسيين مشاهير عن حالتي وقالوا هذا مرض اسمه كذا وكذا ووووو حتى تقتنع وتاخذك بالسر للطبيب اذا حبيتوا ((مثلا )) او من وحدك روحي لطبيب معروف بدون ماااحد يدري ودسي العلاج عنهم وخلاص تحلت المشكلهوالله انتي اللي تتعذبين صباحا ومساء في صحوك ونومك في كل امور حياتك وياويلي ويلاه كل ماتاخرتي عن الدواء كل ما تطورت الحاله طبعا مثلي عموما انا ماابي اتدخل في حياتك الخاصه ولكن انا بقول كلام لكي من واقع تجربه بعيشها ومازلت مع العلاج حتى اهلي ينظروا للعلاج انه مامنه فايده وبس راح تدمن عليه وبس ووووو تعرفين كلام العوام لا ادمان من العلاج ولا ششي ابدا لي 7 سنين مع الادويه ولا تضررت منها ابدا ولله الحمد وان شاء الله اني بتحسن عليه اكثر واطيب واتزوج |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|